Atletska utrka "Dan Uljanika" 2012.

Kada na dan utrke dojdeš osjetiš jenu napetost kakve nideri ni.

I kada pukne iz une pištole kako da se zalediš pa ne znaš kamo ćeš, ko naprid, ko nazad, samo počneš teći pa teći, pa ča bude, bude!

Takovega gušta kega daju more i brodovi, na svitu ni.

I tako greš, tećeš, pomalo se vučeš dok do cilja ne dojdeš, a kada dojdeš do kraja svi ti daju kuraja, a ti u sebi pensaš: "Moga san i bolje, ali ča je, tu je!"

Onda pomalo s mamon i taton oko mora prošetati pojdeš i pomalo doma dojdeš, pa umoran u postelju pojdeš.

I sanjaš da si osvojija zlatnu medalju i u cilj prvi doša...

Tako pomalo pasa i ti dan Utrke Uljanika 2012.